Barrura begiratzeko leihoak dokumentalaren –bost euskal presoren ingurukoa– sustatzaile da GITE-IPES. Azken egunotan, Donostiako Udalak emandako diru-laguntzaren harira piztutako polemikaren ostean, filma ekoizten duen ZINEZ elkarteak uko egin die instituzio publikoen laguntzei eta, beraz, diru beharrean daude. Zehatz, diru-laguntzen bidez lortzekoak ziren 40.000 euro eskuratu behar dituzte herritarron ekarpenen bidez.

Julio Araluze Bekaren 2012ko deialdia zabalduta, uztailaren 16ra arte luzatuko da GITE-IPESera proposamenak bidaltzeko epea. Gogoratu proposatutako ikerketa gaiak Euskal Herriarentzat interes berezia duten gai sozial eta historikoak izan beharko direla.

Datorren ekainaren 28an, arratsaldeko zazpietan, Los nacionalismos, el Estado español y la izquierda liburuaren aurkezpena eta hitzaldia izango da Bilboko La Bolsa auzo etxean Jaime Pastor (liburuaren egilea), Petxo Idoyaga eta Iñaki Gil de San Vicenterekin. Hitzaldia erdaraz izango da.