2012ko lehenengo hiruhilekorako eztabaida-mintegia antolatu dugu gure herrira egokitutako XXI. mendeko sozialismoa lantzeko. Urtarrilaren 21ean hasi eta martxoaren 24ra arte, hizlariek gaiaren gakoak aurkeztuta, eztabaida bidez helduko gara heldu beharrreko ondorioetara. 

Bilgune Feministak, Askapenak eta GITE-IPESek antolatuta, abenduaren 15ean Asma Lamrabet marokoar mediku eta Koranean aditua entzuteko aukera izango dugu San Frantziskoko Auzo Etxean 19:00etan. Emakumeak, erresistentzia eta errebeldia programan sarturik, islamiar feminismoaren (Islam paradigmaren baitan egituraturiko mugimendu, diskurtso eta ekintza feminista) hurbilketarekin jarraituko dugu.

Liburu berri hau gure herriaren historia ahaztaraziari ekarpen bat egitearen saiakera da. Euskal Herriaren historia, euskal herri langilearena, berreskuratu nahi dugu: jende menderatuaren bizimodua, bizirauteko lana eta erresistentzia, komunitate harremanak, nortasuna, mundu ikuskera zein pentsamoldea… Euskal Herria euskal emakume eta gizonen bizirauteko prozesu historikoaren emaitza baita; norberarena eta guztiena, aldi berean.